Перевод грамоты константинопольского патриарха Дионисия и синода о передаче московскому патриарху права рукоположения киевского митрополита, сделанный в Посольском приказе с подлинника
(Л. 25) [...] Того ж патриарха грамота отпустителная о Киевской митрополии.
Дионисий, милостию божиею архиепискуп Констянтинополский Новаго Рима и вселенский патриарх
Вся, глаголет апостольское слово, к созданию да бывают, аще делающим нам или и глаголющим, мысли нашей подобает действоватися ко устроению ближняго и управлятися к пользе братии; всех бо божественный апостол и братию звати не престает, и исправления их радети не отлагает, научая, яже ко спасению способъствуют, и возбуждает коегождо не нерадети о своем обещании неусыпными очесы и внимательными ума устремлении, вложити коемуждо приличествующему утешение. И сице даже доныне обещания сего наследники апостолски пребываху, их же наследничество и нашему умерению восприявшу предсмотрением вся, якоже ему показася, правящу всесилному Богу и соборно председательствующу соседательствующим с нами и преосвященным братиям архиереом грамоты пречестныя объявишася тишайших православнейших и Богом венчанных царей и великих князей московских, государей государей и братий Иоанна Алексеевича, Петра Алексеевича и самодержцев всеа Великия и Малыя и Белыя Росии, и многих государств и земель восточных и западных с северных отчичей и дедичей и наследников и государей и облаадателей, возлюбленных по Господе и из утробы возжелаемых сынов наших, и блаже ннейшаго патриарха Московского и всеа Росии кир Иоакима, во святем Дусе возлюбленного брата и сослужителя нашего, и благочестиваго и сиятельного вкупе с вышереченными державнейших великих царей Запорожского войска обоих стран [Днепра] гетмана господина Ивана Самойловича, о Господе сына нашего возлюбленного, извещающия, яко епархия иже в Киеве, воеже быти подлежащей под высочайшим и святейшим вселенским Костянтинополским престолом, архиерея ея хиротонию или издание хиротонии всегда от него восприяша по священных законов повелению. Пред немалыми ж леты митрополии сей вдовствующей, и прошедшу времени, и нехеротонисану бывшу в ней искреннему архиерею, яко посреди дву величайших царствий войны некия припадши, время восхитив и благовремение получив, враг правдивыя и истинныя и святыя непорочныя веры православных христиан куколь и терние всея посреди пшеницы, се есть православия, и едва не бедствует сию подручную имать чюждими и странными мудръствованиями.
И сего ради просяху с великим благоговением и множайшим молением давати волю блаженнейшему патриарху Московскому хиротонисати митрополита Киевского, егда пребывает лишенна искрнаго архиерея митрополия сия, или ради благословныя вины отложен будет архиерательствующий, его же убо изберут иже во епархии сей подлежащии епископи, архимандриты, игумени священных монастырей и прочии, яко же обыкло, воеже не пребыти впредь епархии сей без предстателя, якоже трудно и зело люто оттуду совершающуся делу сему, якоже и всем явну сущу, и возсеет паки куколь, се есть ересь и схисматическая мнения, враг истинный диавол, еже и величайшее и державнейшее царствие, владеющее нами, повелева, понеже умолена от тишайшаго и христианнейшаго сего царствия, се есть никакия препоны сотворити к сему делу60.
Тем же умерение наше, понеже превысокости вселенского престола получивше еликая сила пещися попечения требующих, познавая, якоже отповедь дати о всех, иже от Бога ей вверившихся, прошение сие зело радостно восприя, и благословную сущу и праведну утвержати писменно разсуди достойно. Тем же убо пиша вкупе иже с нами архиерейским собором и пречестным иже во святом Дусе возлюбленных наших братий и сослужителей, повелеваем, да святейшая епархиа Киевская будет подлежащая святейшему патриаршескому престолу великого и богоспасаемого града Москвы, се есть хиротонисатися митрополиту Киевскому в ней, егда приключится нужда, от блаженнейшаго патриарха Московского, его же изберут иже во епархии сей подлежащии боголюбезнии епископи, пречестнии архимандриты, преподобнейшии игумены священных и пречестных монастырей, преподобные иеромонахи, благоговейные иереи, преподобнии монахи и бояре и прочии, увещеванием и позволением тамошняго великого преславного гетмана, якоже обычай в том месте обыклый, и восприяти от него еже в мемвранах глаголемое деяние, и познавати онаго старейшаго и предстателя своего, якоже от него хиротонисающуся и не от вселенскаго, якоже выше реченно, ради места паче мернаго отстояния и ради часто приключающихся посреди двух царствий брани, и образом снисходительным употребляяйся по своему предревнему обычаю, и подающу со смотрением ему сицевую волю.
Когда же совершает митрополит сей Киевский в сей епархии божественную и священную безкровную жертву, доспоминает впервых пречестное имя вселенского патриарха, яко сущу источнику и началу и предвосходящу всех, иже повсюду при селении и епархии, потом патриарха Московского, якоже старейшаго своего, никому в том противящуся или прекословящу ни в чесом, якоже благословно и праведно бывшу. А иже паче писанных помысливший или иначе что восхотевший непослушенство или противность показати, Господню повелению противен будет и от онаго мздовоздательства приимет, яко пренебрегатель патриархов, сущих образов Бога одушевленных и живых. Тем же и явления ради дела сего и утвержения сия написася соборная издателная грамота и во священном кодике написася же нашей Христовой Великия церкви и списавшися. И вручися блаженнейшему патриарху Московскому кир Иоакиму в лете спасительном 1686-м.
Внизу приписано патриаршескою рукою: месяца июния, индиктиона 9-го.
А потом приписано митрополическими руками:
Ираклийский Герман.
Кизикийский Кирилл.
Никомидийский Мелетий.
Халкидонский Захарей.
Теосалофийский Неофит.
Прусийский Макарий.
Ларисийский Парфений.
Нафпарта и Арта Варфоломей.
Мириофилии Григорий.
Хийский Григорей.
Кастелорозийский Калинник.
Дистрийский Кирилл.
Силиврийский Дионисий.
Видиский Мизиский Захарей.
Приконисийский Митрофан.
Паролоксинский Иоасаф.
Верийский Афонасей.
Критцкий Калинник.
Редестицкий Никодим.
Аникалцкий69 Даниил.
РГАДА. Ф. 52. Оп. 1. 1687 г. Д. 3. Л. 25–32а. Л. 25–27 написаны одним почерком черными чернилами, л. 28–32а написаны другим почерком коричневыми чернилами. Изд.: СГГД. Ч. 4. № 177. С. 517–519.
Home
by Esterházy Márton Sun Oct 21, 2018 7:42 pm
Nektivni Ugnelj